Адлия вазирлиги кўчаларда ҳаракатланиш мақсадида автотранспорт воситаларига махсус рухсатномани олиш Тошкент ва Нукус шаҳарлари ҳамда вилоятлар марказларида Давлат хизматлари марказлари томонидан берилишини маълум қилди. Рухсатномалар бериш тизими 29 март, якшанба, соат 09:00 дан жорий этилади.
Махсус рухсатнома марказга ташриф буюришдан олдин, олдиндан телефон қилиб, маълумотлар оператор томонидан тўлдирилганидан сўнг қабул қилинади.
«Аввалдан рўйхатдан ўтмаган юридик ва жисмоний шахсларнинг аризалари кўриб чиқилмайди», – дейилади вазирлик хабарида. Қўшимча қилинишича, биринчи навбатда озиқ-овқат ва дори-дармон ташувчи юридик шахсларнинг, кейин эса жисмоний шахсларнинг аризалари қабул қилинади.
Махсус рухсатнома олиш учун Тошкент шаҳри, вилоятлар ва Қорақалпоғистон Республикасида Давлат хизматлари марказларининг рўйхати:
Тошкент шаҳри:
- Бектемир тумани (71) 231-84-56;
- Мирзо Улуғбек тумани (71) 262-04-70;
- Миробод тумани (71) 233-13-47;
- Олмазор тумани (71) 231-71-36;
- Сергели тумани (71) 230-08-84;
- Учтепа тумани (71) 217-47-82;
- Чилонзор тумани (71) 203-60-16;
- Шайхонтоҳур тумани (71) 231-12-75;
- Юнусобод тумани (71) 235-41-42;
- Яккасарой тумани (71) 231-88-12;
- Яшнобод тумани (71) 231-19-34.
Эслатиб ўтамиз, республика махсус комиссияси томонидан шахсий транспортдан фойдаланишга чеклов қўйилгани ҳақида хабар берилганди. Хусусан, 30 март соат 06:00 дан 20 апрель соат 00:01 га қадар вилоятлараро, Тошкент ва Нукус шаҳарлари ҳамда вилоятлар марказларида Давлат хизматлари марказлари томонидан бериладиган махсус рухсатнома (стикер)лар асосида автотранспорт воситалари ҳаракатланишига рухсат берилади.
Изоҳ (0)