Қашқадарё вилояти Яккабоғ туманининг Қизилқишлоқ, Чўянли ва Хонақа қишлоқларида яшовчи аҳолига суюлтирилган газ баллонлари етказиб берилди. Бу ҳақда «Дарё»га «Ҳудудгаз Қашқадарё» МЧЖ ахборот хизмати раҳбари Отабек Маманазаров маълум қилмоқда.
«Дарё»га Яккабоғ тумани «Хонақа» маҳалла фуқаролар йиғини Чўянли қишлоғида истиқомат қилувчи Сайёра Арзиева шикоят қилиб, икки ойдан бери қишлоққа газ баллонлари етказиб берилмаётганидан шикоят қилганди.
Фуқаронинг шикояти «Дарё»да эълон қилингач, «Ҳудудгаз Қашқадарё» масъулияти чекланган жамияти масъул ходимлари ҳолатни ўрганган ва Чўянли қишлоғига 220 дона суюлтирилган газ баллони етказиб берган.
«27—28 март кунлари Қизилқишлоқ, Хонақа аҳолиси ҳам газ баллонлари билан тўлиқ таъминланади», — дейди Отабек Маманазаров.
Изоҳ (0)