Сурхондарё вилоятининг Шўрчи туманида Экология ва атроф муҳитни муҳофаза қилиш бошқармаси ҳамда вилоят ИИБ томонидан икки фуқаронинг уйидан икки бош Бухоро қўйи ва бўри топилди. Бу ҳақда Ўзбекистон Экология қўмитаси матбуот хизмати хабар берган.
«Жойилма» маҳалласида яшовчи фуқаронинг ўзи уйида Қизил китобга киритилган икки бош Бухоро қўйи сақланаётганини маълум қилган.
Бундан ташқари, туманнинг «Хушчекка» маҳалласида фуқаронинг уйида сақланаётган битта бўри кўнгилли равишда олинган.
Ҳайвонларнинг хавфсиз ва доимий назоратда бўлишини таъминлаш мақсадида жониворлар белгиланган тартибда Термиз ҳайвонот боғига топширилди.
Бухоро қўйи Ўзбекистон ва Жаҳон Қизил китобига киритилган бўлиб, ушбу тур бутунлай йўқ бўлиб кетиш арафасида турган, локал тарқалган кенжа тур ҳисобланади, дейилган хабарда.
Изоҳ (0)