Буюк Британия қироличаси Елизаветта II нинг тўнғич ўғли, 71 ёшли Уэльс шаҳзодаси Чарльзнинг коронавирусга топширган таҳлил натижалари ижобий чиқди. Бу ҳақда The Guardian хабар берган.
Ушбу маълумотни қироллик резиденциясидаги вакил ҳам тасдиқлаган, шаҳзодада касалликнинг жуда заиф белгилари кузатилмоқда, лекин шунга қарамай унинг соғлиғи жойида.
«Ҳукумат ва тиббиёт тавсияларига асосан, шаҳзод ва герцогиня (Камилла Паркер Боулз Корнуальская, шаҳзоданинг рафиқаси) Шотландиядаги уйида карантинга олинган. Шаҳзоданинг кимдан вирусни юқтириб олгани маълум эмас, лекин охирги ҳафталарда омма олдига кўп чиққани ва ҳаддан зиёд кўп топшириқларни бажаргани туфайли коронавирус билан касалланган бўлиши мумкин», — дейилади Вестминистр резиденцияси ахборотида.
Шаҳзода Чарльз қиролича Елизавета II билан 9 март куни учрашган, дея хабар берган Reuters қироллик оиласидаги манбага таяниб.
15 март куни The Sun нашри Елизавета II 12 мартдаёқ коронавирус инфекциясини юқтириб олиш хавфи сабаб Букингем саройини тарк этган ва Виндзор саройига кўчиб ўтганди. Агар коронавирус юқтириб олганлар сони ортиб борса, Елизавета II ҳамда унинг турмуш ўртоғи шаҳзода Филипп Норфолкдаги Сандрингем саройига карантинга олинади.
«Қироличанинг 94 ёшни қаршилашига бир неча ҳафта вақт қолди ва унинг масалаҳатчилари қироличани турли хавфлардан муҳофаза этишга ҳаракат қилмоқда», — дея қайд этган The Sun’га ахборот берган манба.
Елизавета II 3 март куни узун оқ қўлқоплар билан омма олдида кўриниш берган ва тадбир Букингем саройида ўтказилганди. Нашрнинг ёзишича, қиролича аввал бундай ҳимояланган ҳолда омма олдида чиқиш қилмаган ва бу коронавирус хавфидан дарак бермоқда. Қиролича сўнгги бор 1954 йилда ушбу тадбирда қўлқоп кийган.
Жаҳон соғлиқни сақлаш ташкилотининг маълумотига кўра, 25 март ҳолати бўйича Буюк Британияда коронавирус юқтириб олганлар сони 6654 нафарга етган, вафот этганлар сони эса 335 нафарни ташкил этган.
Мавзуга доир:
Изоҳ (0)