АҚШ президенти Дональд Трамп COVID-19 коронавирусига қарши гидроксихлорохин, яъни безгакни даволашда ишлатиладиган препарат синовдан ўтказилиши мумкинлигини маълум қидли. Бу ҳақда News Wеек хабар берган.
«Қувонарли жиҳати ушбу дори анчадан бери мавжуд ва ҳаммаси биз кутгандек чиқмаган тақдирда ҳам препарат ҳеч кимни ўлдирмайди», — деган Трамп.
Америка давлат раҳбарининг фикрича, препарат биринчи босқичда ҳайратланарли натижалар кўрсатган.
«Ушбу дори самара берса уни тезкорлик билан ҳамма сотиб оладиган даражага етказмоқчимиз», — деган АҚШ давлат раҳбари.
Трамп шунингдек, «Ремдесевир» препарати ҳам коронавирусга қарши курашда фойдали бўлиши мумкинлиги ҳақида ҳам гапирган.
Мавзуга доир:
АҚШнинг касалликлардан огоҳлантириш ва уларни назорат қилиш маркази (CДC) маълумотига кўра, мамлакатда 10,4 минг нафар одам инфекцияни юқтириб олган ва 150 нафар киши ундан вафот этган. Марказ 50 ва ундан ортиқ одам иштирок этадиган барча тадбирларни бекор қилиш ёки бошқа муддатга кўчиришни тавсия этган. Касалланганлар орасида республикачилардан бўлган конгрессмен — Марио Диас-Баларт ҳам бор.
Изоҳ (0)