Самарқандда қалбаки пул ясаб, муомалага чиқарган фуқаролардан бири 3 йил 8 ойга қамалди, бирининг эса 3 йилга озодлиги чекланди. Бу ҳақда «Дарё»га Жиноят ишлари бўйича Самарқанд шаҳар суди судьяси Фаррух Самадов хабар бермоқда.
Фото: «Дарё»
Маълум бўлишича, 2019 йил 19 декабрь куни соат 13:00 да фуқаро М.К. ва У.У. Самарқанд шаҳар, Буюк ипак йўли кўчасида ижарада турувчи уйида (10 минг сўмлик купюраларда) жами 360 минг сўм қалбаки пул ясаган.
Сўнгра мазкур пуллардан 90 минг сўмга савдо дўконидан товар маҳсулотларини харид қилиб, қалбаки пулни муомалага чиқарган.
Экспертиза хулосасига кўра, далилий ашё сифатида олинган 10 минг сўмлик, жами 360 минг сўм пул қалбаки эканлиги ва принтер ёрдамида тайёрланганлиги маълум бўлган.Судланувчи М.К. Жиноят кодексининг 176-моддаси 2-қисми «в» банди (бир гуруҳ шахслар томонидан олдиндан тил бириктириб қалбаки пул, акциз маркаси ёки қимматли қоғозлар ясаш, уларни ўтказиш) билан айбли деб топилиб, 3 йил 8 ой муддатга озодликдан маҳрум қилинган бўлса, У.У.га 3 йил муддатга озодликни чеклаш жазоси тайинланган.
Изоҳ (0)