Ўзбекистонда коронавирус тарқалгани аниқланганидан сўнг, Туркманистон ўз талабаларини мамлакатдан орқага қайтара бошлади, деб хабар беради «Хроника Туркменистана».
16—17 март кунлари Бухоро вилоятидаги «Олот—Фороб» чегара пункти орқали туркманистонлик 21 талаба ватанига қайтди. Улар асосан Бухоро вилояти даргоҳларида таълим олишган. Ётоқхонада яшаган талабаларнинг баъзилари дарҳол карантинга олинган.
Хоразм вилоятидаги «Шовот» чегара пункти 17 март кунигача очиқ бўлган ва ундан Тошҳовуз вилоятида яшовчи ўнлаб талабалар Туркманистонга қайтишга улгурган. Умумий ҳисобда Хоразм вилоятидаги олий таълим даргоҳларида 1100 га яқин туркманистонлик талаба таълим олмоқда.
Сўнгги маълумотларга кўра, Ўзбекистонда коронавирус юқтириб олганлар сони 18 нафарга етди.
Мавзуга доир:
Изоҳ (0)