Интернет тармоқларида Чилонзор тумани Қатортол кўчасидаги дорихонада коронавирусга қарши дори воситаси мавжудлиги тўғрисида эълон осилган расмлари тарқалган. Бу ҳақда «Koronavirus Info» канали хабар берди.
Бош прокуратура ҳузуридаги Иқтисодий жиноятларга қарши кураш департаменти дорихона раҳбари билан ушбу эълонни олиб ташлаш ва текширилмаган маълумотларни тарқатмаслик бўйича тушунтириш ишлари ўтказган.
Шундан сўнг, коронавирусга қарши дори воситаси мавжудлиги тўғрисида эълон дорихонадан олиб ташланган.
Аввалроқ, Ўзбекистонда тиббий ниқоблар қимматлашганининг сабаби тушунтирилган ҳамда мамлакатда бир кунда ишлаб чиқарилаётган тиббий ниқоблар сони маълум қилинган эди.
Мавзуга доир: «Ниқоблар тўғри тақилмаса, вирусдан ҳимоя қилмайди». Тиббиёт ниқобларининг фойда ва зарари ҳақида
Изоҳ (0)