Қашқадарё вилояти Транспорт бошқармаси ташаббуси ортидан Самарқанд вилояти ҳокимлиги ҳам вилоятдан Тошкентга келиб ўқиётган талабаларни уйларига бепул қайтариш бўйча махсус автобус рейслари ташкил этмоқда. Бу ҳақда ЎзА хабар берди.
Мавзуга доир: «Талабалар Тошкентдан бепул олиб қайтилади». Қашқадарё транспорт бошқармаси қашқадарёлик талабалар учун автомобиллар ажратди
Маълум қилинишича, Самарқанд вилоят ҳокимлиги Тошкент шаҳрида таҳсил олаётган талаба-ёшлар ҳамда Тошкент шаҳрида бўлиб турган самарқандликларни вилоятга қайтариш учун махсус автобус рейсларини ташкил этмоқда.
Қайд этилишича, 2020 йил 18 март куни соат 09:00 ва 10:00 да «Тошкент» автобошбекатидан Самарқанд шаҳрига ҳомийлар кўмагида бепул автобуслар йўлга чиқади.
Аввалроқ, Олий ва ўрта масхус таълим вазирлиги Тошкентдаги ОТМларда 30 минг нафар талаба ўзлари яшайдиган вилоятларга жўнаб кетганини ҳамда Тошкентдаги барча талабалар турар жойлари 19 мартдан тўлиқ ёпилиб, дезинфекция қилинишини маълум қилган эди.
Эслатиб ўтамиз, коронавирус сабаб Ўзбекистондаги барча мактаблар, боғчалар ва ОТМлар 2020 йил 16 мартдан карантинга ёпилди. Йўловчиларни манзилга етказиш учун автовокзалдан қўшимча рейслар йўлга қўйила бошланди. Шунингдек, «Тошкент» автовокзали тун-у кун ишлаш режимига ўтди.
Изоҳ (0)