Ўзбекистон Президенти Шавкат Мирзиёев «Аҳолини рўйхатга олиш тўғрисида»ги қонунни имзолади. Бу ҳақда Адлия вазирлиги хабар берди.
Қайд этилишича, аҳолини рўйхатга олиш Ўзбекистон Республикасининг аҳолиси тўғрисида ишончли ва холис ахборот йиғиш ҳисобланади.
Қонунга мувофиқ, аҳолини рўйхатга олишнинг асосий принциплари қуйидагилар этиб белгиланди:
- даврийлик;
- умумийлик ва бир пайтдалик;
- рўйхатга олишнинг якка тартибдалиги;
- шахсга доир маълумотларнинг махфийлиги;
- аҳолини рўйхатга олишни бошқаришнинг марказлаштирилганлиги.
Шунингдек, аҳолини рўйхатга олишни ташкил этиш учун масъул бўлган вазирликлар, давлат қўмиталари ва идоралар махсус ваколатли давлат органига аҳолини рўйхатга олиш соҳасидаги вазифаларни бажариш юзасидан кўмаклашиши белгилаб қўйилди.
Қонун расмий эълон қилинган кундан эътиборан кучга киради.
Эслатиб ўтамиз, Олий Мажлис Қонунчилик палатаси томонидан 2019 йил ноябрь ойида қабул қилинган мазкур қонун Сенат томонидан 2020 йилнинг февраль ойида бўлиб ўтган иккинчи ялпи мажлисда маъқулланган.
Изоҳ (0)