Навоий шаҳридаги Makro савдо мажмуасида ёнғин содир бўлди. Бу ҳақда ФВВ матбуот хизмати хабар бермоқда.
Қайд этилишича, Навоий вилояти фавқулодда вазиятлар бошқармаси навбатчилик қисмига 17 март, сешанба куни, соат 14:15 да Навоий шаҳри Ислом Каримов кўчасидаги Makro савдо мажмуасида ёнғин содир бўлганлиги тўғрисидаги хабар келиб тушган.
Юзага келган ҳодиса оқибатида мажмуанинг ташқи ва буфет қисмида 150 квадрат метр майдони ёнган. Воқеа жойига 7 та ўт ўчириш машинаси етиб борган ва ёнғин-қутқарув гуруҳининг олиб борган тезкор ҳаракатлари натижасида ёнғин соат 14:35 да тўлиқ бартараф этилган. Шунингдек, бинонинг 2130 квадрат метр майдони алангадан сақлаб қолинган.
Ёнғинда ҳалок бўлган ва жабрланганлар қайд этилмаган. Ҳолатнинг келиб чиқиш сабаблари ва зарари аниқланмоқда.
Изоҳ (0)