Нигерияда нефть қувури портлаши оқибатида камида 17 киши ҳалок бўлди, 25 киши жабрланди. Бу ҳақда Channels TV телеканалига таяниб «РБК» хабар бермоқда.
Портлаш мамлакатнинг энг йирик шаҳри Лагос яқинидаги Абул Адо ҳудудида содир бўлган. Штат полиция комиссари Ҳаким Одумосунинг сўзларига кўра, қувурда портлаш юзага келишига инсон омили сабаб бўлган. У теракт ёки вандализм содир бўлганини инкор этган.
Биринчи портлашдан сўнг бир нечта иккинчи даражали портлашлар содир бўлган ва у вайронгарчиликка олиб келган. Хусусан, маҳаллий черков бутунлай вайрон бўлган ва ётоқхона биносига жиддий зарар етган. Шунингдек, бир нечта турар жойлар ҳам бутунлай ва қисман вайрон бўлган.
Ушбу ҳудудда яшовчи аҳоли жабрланмаслик мақсадида ўз уйларини тарк этишга мажбур бўлган. Барча жароҳатланганларга воқеа жойининг ўзида тиббий ёрдам кўрсатилган, оғир жароҳатланганлар касалхонага ётқизилган.
Изоҳ (0)