Ўзбекистон коронавирусга қарши курашда ёрдам бериш мақсадида Эронга инсонпарварлик ёрдамини жўнатиши хабар берилган эди.
Ўзбекистон ҳукумати порталида маълум қилинишича, мазкур хавфли инфекцияга қарши курашиш бўйича биргаликдаги саъй-ҳаракатларни кучайтириш мақсадида стерил тиббий қўлқоплар, ҳимоя қилувчи комбинезонлар, махсус тиббий формалар, ниқоблар, дока, спирт, гигиеник геллар ва дори воситалари сингари умумий оғирлиги қарийб 6 тонна бўлган тиббий буюмлар шаклида инсонпарварлик ёрдами юборилмоқда.
Улар ва самолёт экипажи аъзолари қайтиб келгач, белгиланган тартибда малакали шифокорлар, соҳа мутахассислари назорати остида икки ҳафта муддатда карантинда сақланади.
Эслатиб ўтамиз, ўзбекистонлик ҳайдовчилар 7 март куни COVID-19 коронавируси тарқалишининг олдини олиш мақсадида Туркманистон ва Эрон ўртасидаги чегара ёпилиши сабабли «Лутфобод» ва «Сарахс» чегара назорат-ўтказиш пунктларида қолиб кетганди. Улар транспорт воситаларини божхона постларида қолдириб ватанга қайтишни рад этган ва Ўзбекистонга қайтариш масаласида Президент Шавкат Мирзиёевдан ёрдам сўраб видеомурожаат йўллаган.
Изоҳ (0)