Халқаро нодавлат нотижорат ташкилотининг филиали Адлия вазирлигида рўйхатдан ўтказилди. Бу ҳақда вазирлик матбуот хизмати хабар қилди.
9 март, душанба куни, Адлия вазирлиги халқаро нодавлат нотижорат ташкилоти «Меҳрибонлик Корпуси» (Mercy Corps)нинг (АҚШ) Ўзбекистондаги филиалини давлат рўйхатидан ўтказди.
Унинг асосий мақсадларидан бири қишлоқ ва шаҳарлардаги оилаларнинг яшаш шароитларини яхшилаш мақсадида хусусий, давлат ва жамоат ташкилотлари билан алоқалар ўрнатиш ва янада мустаҳкамлаш, шунингдек, таълим сифатини оширишдир.
Филиал 2020—2025 йилларда Қорқалпоғистон Республикаси ва Сурхондарё вилоятидаги 410 та мактабгача таълим муассасасида мутаносиб овқатланиш ва уларнинг инфраструктурасини яхшилашга мўлжалланган лойиҳани амалга оширишни режалаштирмоқда.
«Меҳрибонлик Корпуси» Ўзбекистонда 10 йил аввал ўз фаолиятини якунлаганди.
Изоҳ (0)