Эрон коронавирус сабабли вақтинча озодликка чиқарилган 70 минг нафар маҳбусни қамоқхонага қайтариш ниятида эмас. Бу ҳақда мамлакат суд ҳокимияти раҳбари Иброҳим Раисийнинг сўзларига асосланиб, «РИА Новости» хабар берди.
«Жамоат хавфсизлигига таҳдид пайдо бўлмагунича маҳбусларни озодликка чиқариш давом этади», — дейди Раисий.
Аввалроқ Эрон суд ҳокимияти расмий вакили Ғуломҳусайн Исмоилий қамоқхоналардан 54 мингга яқин маҳбус вақтинча озод этилганини маълум қилганди.
Мамлакатда коронавирус қайд этилмаган бирорта ҳам вилоят қолмаган.
Эрон Соғлиқни сақлаш вазирлиги 19 февраль куни мамлакатда коронавирус билан касалланган биринчи ҳолат қайд этилганини маълум қилганди. Сўнгги маълумотларга кўра, Эронда коронавирус билан зарарланиш бўйича тасдиқланган ҳолатлар сони 6566 тага етган.
Аввалроқ Эроннинг хотин-қизлар ва оила масалалари бўйича вице-президенти Маъсума Эбтекар ва Эрон соғлиқни сақлаш вазирининг ўринбосари Ираж Харирчининг коронавирус юқтириб олгани маълум бўлган эди. Ҳозирда улар даволанмоқда.
Мавзуга доир: Эронда парламентнинг беш нафар депутати коронавирус инфекциясини юқтириб олди. Бир депутат коронавирусдан вафот этди
Изоҳ (0)