Россия ҳукумати мамлакатдан тиббиёт маҳсулотларини, хусусан, ниқоблар, кимёвий ҳимоя кийимлари ва респираторларни олиб чиқиб кетилишига вақтинча тақиқ қўйди. Бу ҳақда Вазирлар Маҳкамаси сайтида хабар берилди.
Мазкур тақиқ 2020 йилнинг 1 июнига қадар амалда бўлади. Жорий этилган чеклов чоралари бошқа мамлакатларга инсонпарварлик ёрдами кўрсатилишига тааллуқли эмас. Шунингдек, шахсий мақсадлар учун бир марталик товарларнинг экспортига рухсат берилган.
Ушбу чеклов коронавирус тарқалиши шароитида тақчилликнинг олдини олиб, Россия фуқароларининг манфаатларини ҳимоя қилиш мақсадида амалга оширилмоқда.
Олиб чиқиб кетилиши тақиқланган маҳсулотларнинг тўлиқ рўйхати билан қуйидаги ҳавола орқали танишиш мумкин.
Мавзуга доир: ЖССТ коронавирус ва гриппдан ўлим даражасини таққослади
Изоҳ (0)