Американинг Теннесси штатига ёпирилган торнадо оқибатида камида 25 киши ҳалок бўлди. Бу ҳақда маҳаллий ҳукуматга таяниб, НБC телеканали хабар берди.
3 март куни ёпирилган табиий офат штатнинг марказий қисми бўйлаб ҳакатланиб, Нешвилл шаҳрига улкан талафот етказган. Тўртта округда ўлим ҳолати қайд этилган: Дэвидсон, Уилсон, Бентон ва Патнам.
Штат губернатори Билл Ли фавқулодда ҳолат эълон қилган. Унинг сўзларига кўра, Теннессига ёпирилган торнадо кўплаб инсонларга зарар етказган ва бедарак йўқолганлар бор.Табиий офат энергия тизимида ҳам узилишларга олиб келган — 50 мингдан ортиқ хонадон ва корхоналар электр энергиясиз қолган, 45 та бино бузилган ва бир неча ўнлаб уйларга зарар етган.
Телеканал маълумотларига кўра, ушбу торнадо АҚШ тарихидаги энг фалокатли ҳисобланмоқда. Бундан олдинги рекорд Алабамага бир йил олдин худди шу куни ёпирилган торнадога тегишли. Ўшанда табиий офат 23 кишининг умрига зомин бўлганди.
Изоҳ (0)