Geely компанияси Volvo билан ҳамкорликда ишлаб чиқаришни йўлга қўйган Icon кроссовери учун буюртмалар қабул қилишни бошлади, деб хабар беради Motor.
Хитой автомобиль ишлаб чиқарувчисининг маълум қилишича, янги модел IAPS махсус иқлим қурилмаси билан жиҳозланган бўлиб, у салон ичидаги инсонни бактерия ва вируслардан ҳимоя қилишга қодир. Сўровлар кутилганидан ҳам ошиб кетди: бир сутка ичида 30 мингдан ортиқ буюртма келиб тушган.
Geely компанияси Icon кроссоверининг базавий версиясини 16,5 минг долларга баҳоламоқда — бу Hyundai Creta’нинг Хитойдаги муқобилидан 570 долларга арзонроқ.
Машина коронавирусдан ҳимоя қилувчи IAPS махсус иқлим тизимидан ташқари 10,25 дюймли виртуал қурилмалар панели, худди шундай диагоналга эга мультимедиатизимга, иситиладиган олд ўриндиқлар ҳамда калитсиз бошариш тизимига эга.
Geely Icon’га 1,5 литрли 177 кучга эга «турбоучлик» ўрнатилади. Ихтиёрий равишда кроссоверни 48 вольтли бошланғич-генератор билан таъминлаш орқали электрлаштириш мумкин. Гибридизация ёқилғи сарфини камайтиради ва максимал қувватни 190 куч ва 300 Нмга оширади.
Лойиҳани амалга ошириш учун 52,5 миллион доллар ажратилган.
Изоҳ (0)