Uzbekistan Airways авиакомпаниясининг HY514 рейси Сеулдан Тошкентга 1 март куни, Тошкент вақти билан соат 02:40 да Жанубий Кореядаги Ўзбекистон фуқароларининг илк гуруҳи қабул қилинди. Бу ҳақда «Дарё»га Соғлиқни сақлаш вазирлиги жамоатчилик билан алоқалар бўлими раҳбари Фурқат Санаев маълум қилган.
Рейс орқали келган жами 253 йўловчи Соғлиқни сақлаш вазирлиги Вирусология илмий текшириш институтининг юқумли касалликлар бўйича мутахассис ва эпидемиолог-шифокорлари дастлабки тиббий кўрикдан ўтказилган.
Маълум қилинишича, Сеулдан олиб келинганлардан 182 нафари Ўзбекистон фуқароси, 71 нафари хорижий мамлакатлар фуқаросидир. Хорижий фуқаролардан 49 нафари эвакуция доирасида олиб келинган, 22 нафари эса транзит йўловчилардир.
Йўловчиларнинг 231 нафари (182 ўзбекистонлик ва 49 нафари хорижий давлат фуқароси) махсус тайёрланган тиббиёт муассасасига жойлаштирилади ва икки ҳафта давомида карантинда сақланади. 22 нафар транзит йўловчи эса белгиланган тартибда изоляция қилиниб, кейинроқ Uzbekistan Airways авиакомпанияси рейси орқали ўз мамлакатига учиб кетади.
Изоҳ (0)