Украина президенти Владимир Зеленский Қримни қайтариш мамлакат миллий ғоясининг ажралмас бўлаги бўлишини қайд этди. Яриморол 2014 йилда Россия таркибига кирган. Шунингдек, Зеленский 26 феврални «Қрим ва Севастопол қамалига қарши кураш куни» сифатида нишонлаш тўғрисидаги фармонни ҳам имзолаганини маълум қилган, деб ёзмоқда «Коммерсантъ».
«Сўзимни оддий, исбот талаб қилинмайдиган аксиомалардан бошламоқчиман. Ҳафта етти кундан иборат, Ер шар шаклида, Қрим бу – Украина. Қримни қайтариш миллий ғоямизнинг асосий ва ажралмас қисмларидан бири бўлади»,— дея таъкидлаган Зеленский Age of Crimea форумида.
У Қримни қайтариш яқин орада содир бўлмаслиги ҳақида ҳам огоҳлантирган.
«Бу эртагаёқ ҳал бўлиб қолмайдиган анчайин қийин вазифа, лекин биз ҳозир бажаришимиз зарур бўлган бошқа мақсадлар ҳам бўлади»,— дейди Зеленский.
Мавзуга доир:
- Зеленский Украинада Хитойдан қайтган фуқаролар автобусининг тошбўрон қилинишини Европа ўрта асрлар тарихига хос ҳолат деб баҳолади
- Украина президентида сурункали чарчоқ аломатлари сезилаётгани маълум қилинди
- Украинада аҳолини рўйхатга олиш синаб кўрилди. Натижа: аҳоли 18 йилда 11 миллионга камайган
- Украина бош вазири Донбассни қайтариш сценарийси ҳақида гапирди
Изоҳ (0)