Андижондаги газ «заправка»да 25 февраль соат 10:10 ларда Nexia портлади, деб хабар бермоқда ИИВ ҳузуридаги Тергов департаменти матбуот хизмати.
Маълум бўлишича, Хўжаобод тумани «Хидирша» маҳалласи «Холис Тафаккур» МЧЖга қарашли автомобилларга суюлтирилган метан газ қуйиш шохобчасида 32 ёшли Ш.О. Nexia’сига газ қуяётганида портлаган.
Шохобча ҳудудида газ қуяётган яна 6 та автомашинага турли даражада техник шикаст етказилган. Жиддий жароҳат олганлар йўқ.
Қайд этилишича, ҳозирда ҳодиса жойида тезкор тергов гуруҳи портлашнинг келиб чиқиш сабабларини ўрганмоқда.
Аввалроқ Гулистондаги газ қуйиш шохобчасида автобус газ баллони портлагани хабар берилган эди.
Изоҳ (0)