Жаҳонгир Саъдуллаев Хоразм вилояти ҳокими ўринбосари — вилоят Маҳалла ва оилани қўллаб-қувватлаш бошқармаси бошлиғи этиб тайинланди. Бу ҳақда вилоят ҳокимлиги ахборот хизмати хабар бермоқда.
Қайд этишларича, Жаҳонгир Саъдуллаев ушбу тайинловга қадар Хоразм вилояти ИИБ бошлиғининг жамоат тартибини сақлаш бўйича ўринбосари сифатида ишлаб келаётган эди.
Қўшимча қилишларича, Гулсара Қурбонбоева Хоразм вилояти Маҳалла ва оилани қўллаб-қувватлаш бошқармаси бошлиғи биринчи ўринбосари, Сардорбек Раҳимов ва Маткарим Жуманиёзов эса бошқарма бошлиғи ўринбосарлари этиб тайинланган.
Аввалроқ Фарғона ва Тошкент вилоятларида ҳам янги ташкил этилган Маҳалла ва оилани қўллаб-қувватлаш бошқармаларига бошлиқлар тайинлангани ҳақида хабар берилган эди.
Изоҳ (0)