32 ёшли Анна Рибакова қочиб кетгандан сўнг Санкт-Петербургдаги Боткин номли касалхонага ўз ихтиёри билан қайтди. Бу ҳақда «Fontanka.ru» хабар бермоқда.
Аёлнинг онасига кўра, у ҳозирда касалхонада бўлиб турибди. Рибакова бундай қарорни мустақил қабул қилган — «Роспотребнадзор» билан боғланиб, нима қилиш кераклигини сўраган.
19 февраль, чоршанба куни, Нева туман суди 11 февралда касалхонадан қочиб кетган Рибаковани коронавирусга таҳлил топширгунича мажбурий тарзда ортга қайтариш тўғрисида қарор қабул қилганди. Уни уйидан топиша олмаган, ўзи ҳам алоқага чиқмаган.
Олдинроқ Петроград туман суди қарори билан касалхонадан биринчи бўлиб қочган Алла Ильина ҳам ортга қайтарилганди. Бундай қочувлардан сўнг касалхонанинг кўп йиллик раҳбари Алексей Яковлев ишдан бўшатилди.
Мавзуга доир:
- Россияда 20 минг нафар одам коронавирус туфайли шифокорлар назоратига олинди
- Россияда 2 нафар аёл коронавирус бўйича карантиндан қочиб кетди
- Россияда яна 2 киши коронавирус бўйича карантиндан қочиб кетди
- Петербург суди коронавирус бўйича карантиндан қочиб кетган аёлни касалхонага мажбуран ётқизишга рухсат берди
Изоҳ (0)