Олий Мажлис Қонунчилик палатаси депутатлари янги таҳрирдаги «Ўзбекистон Республикасининг Фуқаролиги тўғрисида»ги қонун лойиҳасини қабул қилди, дея хабар бермоқда палата матбуот хизмати.
Қонун лойиҳасида 1995 йил 1 январга қадар Ўзбекистон ҳудудига кириб келган ва доимий пропискага ўтган, хорижий давлат фуқаролигини қабул қилмаган ҳамда ушбу қонун кучга кирган кунга қадар Ўзбекистонда яшаш гувоҳномаси асосида истиқомат қилган шахс, истак билдирган тақдирда Ўзбекистон фуқароси деб тан олиниши назарда тутилган.Қонун янги таҳрири лойиҳасига «ватандош» тушунчаси ҳам киритилган бўлиб, фуқаролиги бўлмаган ватандошларга нисбатан фуқароликка қабул қилишнинг соддалаштирилган тартиби белгиланмоқда. Ўзбекистон фуқаролиги масалаларини кўриб чиқишда идоралараро электрон ҳамкорлик механизмлари яратилиши бўйича қатор нормалар киритилмоқда.
Ушбу қонун Олий Мажлиснинг юқори палатаси — Сенат томонидан маъқулланиб, Президент томонидан имзолагач, кучга киради.
Эслатиб ўтамиз, Ўзбекистонда 1995 йилдан бери истиқомат қилиб келаётган, бироқ фуқаролиги бўлмаган салкам 50 минг ватандошга фуқаролик беришни Ўзбекистон Президенти Шавкат Мирзиёев Олий Мажлисга Мурожаатномаси вақтида таклиф қилган эди.
Изоҳ (0)