Ўзбекистон оғир атлетика бўйича Осиё чемпионатига мезбонлик қилади, дея маълум қилди Халқаро оғир атлетика федерацияси.
Халқаро оғир атлетика федерациясининг тақвим режасига кўра, мусобақа 2020 йилнинг апрель ойида Қозоғистонда ўтиши керак эди. Аммо Хитойда тарқалган коронавирус сабаб қитъа чемпионати Қозоғистонда ўтмайдиган бўлди.
Шундан кейин ташкилот ижроқўми мусобақани Тошкентга кўчирган. Шу тариқа Ўзбекистон пойтахти 16—25 апрель кунлари оғир атлетика бўйича яна бир нуфузли мусобақага мезбонлик қиладиган бўлди. Айни кунларда Тошкентдаги «Ўзбекистон» спорт мажмуасида спортнинг ушбу турида ўсмирлар ва ёшлар ўртасидаги Осиё чемпионати ўтказилмоқда.
Бўлажак Осиё чемпионати Токио—2020 Олимпиадаси йўлида лицензион очко берувчи сўнгги мусобақа ҳисобланади.
Эслатиб ўтамиз, Тошкент 2016 йилги Олимпиада арафасида ҳам оғир атлетика бўйича қитъа биринчилигига мезбонлик қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)