Канада, Швеция, Афғонистон, Украина ва Буюк Британия ташқи ишлар вазирлари Мюнхен хавфсизлик конференцияси майдонларида Эрондан «Украина халқаро ҳаво йўллари»нинг Теҳронда уриб туширилган Boeing 737 самолёти ҳалокати оқибатида қурбонларнинг оила аъзоларига товон пули тўлашни тезлаштиришни талаб қилди. Бу ҳақда Канада ташқи ишлар вазири Франсуа-Филипп Шампаннинг сўзларига асосланиб, «Коммерсантъ» хабар берди.
Шампаннинг таъкидлашича, Эрон ташқи ишлар вазири Жавод Зарифдан товон пули тўланиш жараёнини имкон қадар тезроқ бошлашни талаб қилишган.
«Биз Эронга унинг сўзларига эмас, ҳаракатларига қараб баҳо берамиз. Биз ҳамма учун ҳақиқат қарор топмагунга қадар фожиа қурбонлари номидан иш олиб боришда даво этамиз», — дейди Шампань.
У шунингдек, самолёт бўлаклари Францияда текширилиши учун Теҳрондан лайнер қора қутиси талаб қилинишини ҳам маълум қилган.
Унинг сўзларига кўра, Эрон ташқи ишлар вазири билан учрашувда ушбу масалалар юзасидан келишувга эришилган.
Эслатиб ўтамиз, «Украина халқаро авиалиниялари»нинг Киевга учаётган Boeing 737 самолёти 8 январь куни Теҳрон аэропортидан ҳавога кўтарилганидан кўп ўтмай қулаган эди. Ҳодиса оқибатида 176 киши ҳалок бўлган. Эрон Украина самолётини хатолик сабаб уриб туширганини тан олди. Уни душман нишони деб ўйлашган.
Изоҳ (0)