Вазирлар Маҳкамасининг 14 февралдаги қарорига мувофиқ Дилором Тошмуҳаммедова бошқа ишга ўтиши муносабати билан ҳукумат ҳузуридаги «Оила» илмий-амалий тадқиқот маркази директори лавозимидан озод қилинди, деб хабар бермоқда ЎзА.
Дилором Тошмуҳаммедова Вазирлар Маҳкамаси ҳузуридаги «Оила» маркази директори лавозимида 2018 йил 12 сентябрдан буён ишлаб келаётган эди. У 2007—2015 йилларда Қонунчилик палатасининг спикери бўлиб фаолият юритган.
Эслатиб ўтамиз, Ўзбекистон Конституциясининг 88-моддасига кўра Қонунчилик палатаси депутатлари ҳамда Сенатнинг доимий асосда ишловчи аъзолари ўз ваколатлари даврида илмий ва педагогик фаолиятдан ташқари ҳақ тўланадиган бошқа турдаги фаолият билан шуғулланишлари мумкин эмас.
Изоҳ (0)