Лондон шаҳрида COVID-19 коронавируси билан касалланган биринчи бемор қайд этилди, деб хабар беради Буюк Британия Соғлиқни сақлаш вазирлиги.
«Англияда яна бир беморнинг таҳлил натижалари унда янги турдаги коронавирус борлигини кўрсатди. Буюк Британия бўйлаб ушбу касалликка чалинганлар сони тўққиз кишига етди», — дейди профессор Крис Уитт.
Унинг сўзларига кўра, янги бемор вирусни Хитойда юқтириб олган. Ҳозирда у Лондондаги ихтисослаштирилган соғлиқни сақлаш миллий тизими марказига жойлаштирилган.
Аввалроқ Бавария Соғлиқни сақлаш вазирлиги Германияда коронавирусни юқтирганлар сони 16 кишига етгани ҳақида хабар берганди. Ўзбекистонда эса 12 февраль ҳолатига кўра коронавирусга чалинган беморлар йўқлиги маълум қилинди.
Изоҳ (0)