Халқ таълими вазирлигида «Умид» жамғармаси орқали хорижда таҳсил олиб келган яна бир мутахассис ўз фаолиятини бошлади.
Вазирлик матбуот хизмати хабарига кўра, Лазиз Хўжақулов Халқ таълими вазирлигининг Ахборот-коммуникация технологияларини жорий этишни мувофиқлаштириш бўлими бошлиғи лавозимига тайинланди.
Шу билан бирга, Лазиз Хўжақулов Бухоро вилояти халқ таълими тизимини ривожлантириш, таълим сифатини ошириш ва Бухоро тажрибасини бошқа ҳудудларга татбиқ этиш бўйича ишларни олиб боради.
Лазиз Хўжақулов Жаҳон иқтисодиёти ва дипломатия университети бакалаврини тамомлаган ва Буюк Британиянинг Манчестер университетида магистр унвонини олган. Грециянинг Салоники шаҳридаги Alexander Technological Educational Institution of Thessaloniki университетининг фалсафа доктори (PhD) изланувчиси бўлган.
Меҳнат фаолияти давомида «Ўзбекинвест» МЕИСК, Бухоро давлат университети, Hyundai Engineering Cо.,Ltd ва KT Corporation’да ишлаган.
Изоҳ (0)