Япония қирғоқларида карантинда турган Diamond Princess саёҳат кемасида коронавирусга чалинган йўловчилар сони 39 кишига ошиб, 174 нафарга етди. Бу ҳақда Япония соғлиқни сақлаш, меҳнат ва фаровонлик вазири Кацунобу Катога таяниб, «РБК» хабар берди.
Бундан ташқари, карантинни кузатишга масъул бўлган офицерлардан бири ҳам касалликка чалинган.
Diamond Princess саёҳат кемаси 80 ёшли йўловчида коронавирус аниқлангач, Йокогама портида карантинга олинган эди. Дастлабки тестлардан сўнг, кемадаги ўн кишида коронавирус аниқланган ва шундан сўнг уларнинг сони мунтазам ошиб бормоқда.
Diamond Princess саёҳат кемаси жорий йилнинг 20 январь куни Йокогамадан чиқиб, Кагосима—Гонконг—Окинава йўналишидан ўтиб, 3 февраль, душанба куни, қайтиб келган. Бу вақтга келиб кемадаги бир неча киши тоби қочгани ҳақида хабар қилган ва ҳукумат бортдаги барчани текширувдан ўтказишга қарор қилган.
Мавзуга доир:
Изоҳ (0)