Сурхондарёлик таниқли ижодкорлардан бири Баҳром Нормуродов Жарқўрғон туманида туғилган. Ёши 39 да. Олти ойдан буён жигар циррози хасталиги билан оғриб келмоқда.
Баҳром Нормуродов кўп йиллар Сурхондарё вилояти телевидениесида туркум кўрсатувлар тайёрлаган. «Туркистон», «Сурхон тонги» газеталарида кўплаб таҳлилий материаллари чоп этилган. Касалликка чалингунга қадар ижодкор Термиз давлат университетининг ўзбек филологияси факультетида талабаларга дарс бериб келаётган эди. Афсуски, касаллик сабаб ҳозир тўшакка михланган. Айни пайтда Баҳром Нормуродов вилоят кўп тармоқли тиббиёт бирлашмаси реанимация бўлимига даволаниш учун жойлаштирилган.
Оила аъзоларининг айтишича, 2019 йилнинг сентябрь ойида Баҳром Нормуродовнинг жигарида онкологик миома аниқланган. Аввалига касаллигини ҳеч кимга билдирмаган. Касаллик ўз таъсирини ўтказганидан кейин оила аъзоларига бу ҳақда айтишга мажбур бўлган.
Айни пайтда Баҳром Нормуродовнинг соғлиғи жуда оғир аҳволда. Мутахиссисларнинг фикрича, жигар циррози билан оғриган беморнинг ҳаётини сақлаб қолишнинг ягона йўли — трансплантация амалиётини ўтказиш ҳисобланади. Операция Ҳиндистонда бўлиб ўтади ва унга 27 минг АҚШ доллари атрофида маблағ зарур.
Баҳром Нормуродовнинг тўртта фарзанди бор. Аёли уй бекаси. Бемор оиласининг эса бунга имкони йўқ. Улар бор-йўғини сотган тақдирда ҳам бунча пулни топа олмайди. Оиланинг ёлғиз умиди Аллоҳдан ва саховатли инсонлардан.
Барча юртошларимиздан Баҳром Нормуродов соғайиб кетишида ўз ёрдамларини аямасликларини сўраймиз.
Хайрия қилиш истагида бўлганлар учун керакли маълумотлар:
Баҳром Нормуродов номига очилган пластик карта
Click / Payme:86 00 33 29 33 31 35 73
Humo: 98 60 01 01 26 79 74 70
Паспорт маълумотлари:
Нормуродов Баҳром АB 9866412
Телефон рақами: +99891 908 84 75
Изоҳ (0)