Таиландда ҳарбий хизматчи бошлиғини отиб ўлдирди. Сўнг савдо марказини ўққа тутди. 20 киши ҳалок бўлди (видео)

8 февраль куни Таиланд марказий қисмидаги Накхонратчасима шаҳрида ҳарбий хизматчи Жакрапант Томма савдо марказини ўққа тутиб, бир неча кишини гаровга олди, деб ёзади Meduza.

Ҳарбий дастлаб ўзи хизмат қиладиган қисм раҳбарини, яна икки офицерни, 63 ёшли аёлни отиб ўлдирди.

Шундан сўнг у ҳарбий қисмдан олиб қочган машинасида шаҳар марказига бориб, у ерда ўткинчиларга қарата ўқ узган.

https://twitter.com/KhaosodEnglish/status/1226116466317156352

Қайд этилишича, ҳарбий хизматчи профессионал снайпер бўлиб, у бир неча марта халқаро танловларда ғалаба қозонган. Унинг қуролида камида 700 та ўқ бўлган.

Ҳарбий ўз ҳаракатларини смартфони ёрдамида видеога олиб, Facebook’да жонли эфир қилган. Эфир бир неча дақиқа давом этган, кейинроқ унинг аккаунти ижтимоий тармоқ маъмурияти томонидан блокланган.

https://www.facebook.com/KhaosodEnglish/videos/761444547696561/

Ҳарбий отишма давомида камида 20 кишини ўлдирилган, яна 31 киши жароҳатланган. Жабрланувчиларнинг 16 нафари оғир аҳволда.

Отишма жойига полиция ва махсус хизмат ходимлари етиб келганида жиноятчи савдо марказининг бешинчи қаватига яшириниб олган. У ўнлаб инсонларни гаровга олган.

Полициячилар бир неча соат мобайнида савдо марказидаги инсонларни эвакуация қилган. Ҳаммаси бўлиб мингдан ортиқ киши хавфсиз жойга олиб чиқилган.

Орадан бир муддан ўтиб, мамлакат ҳукумати гаровдагиларнинг ҳаммаси озод этилганини маълум қилган. Ҳарбий хизматчига нисбатан қандай чора кўрилгани эса номаълум.