Вазирлар Маҳкамасининг жорий йил 31 январдаги қарорига асосан, таълимнинг давлат грантида ўқиб, семестрни «4» ва «5» баҳога ёпган талабаларга давлат бюджети ҳисобидан 2019 йил сентябрь—декабрь ойлари ва 2020 йил январь ойидаги қолган стипендия пули қайтарилади. Аммо мазкур тартиб тўлов-шартнома асосида ўқиётган талабаларга қўлланмайди, яъни контрактда таҳсил олаётганлар билан стипендия қайта ҳисоб-китоб қилинмайди. Бу ҳақда 7 февраль куни Олий ва ўрта махсус таълим вазирлиги томонидан ўтказилган матбуот анжуманида маълум қилинди, дея хабар бермоқда «Дарё» мухбири Миролим Исажонов.
«Кенг баҳс-мунозараларни келтириб чиқараётган ушбу жиҳат сабабини тушунтириб берсам. Хабарингиз бор, контракт миқдорининг стипендияли ва стипендиясиз тартибини белгиладик. Талаба тўлов учун 400 минг сўмдан берди. 2019 йил сентябрга қадар фақат стипендияли шартнома тўлови бўлган ва бунинг қиймати «4» баҳонинг пули эди (564 минг 200 сўм). Кейин бу қиймат туширилиб, 400 минг сўм қилинди. Шунинг учун талаба 2019 йил сентябрдан 2020 йил январь ойигача бўлган муддатда ўзи тўлаган шартнома пулига мос равишда стипендия олган. Шу туфайли тўлов-шартнома асосида ўқиётган талабаларга стипендия қайта ҳисоб-китоб қилиб берилмайди. Талабалар бу ҳақида огоҳлантирилган ва барчаси шартномада қайд этилган.
Мавзуга доир: «Контрактдаги талаба»лар ўзлаштириш кўрсаткичидан қатъи назар базавий стипендияни олади
Мавзуга доир: Беш ой давомида «аъло» ва «яхши» ўқиган талабаларнинг стипендиясидаги тафовут давлат бюджети ҳисобидан қопланадиган бўлди
Тўлов-контракт шаклида ўқиётган жами талабалар (бакалавр ва магистратура)нинг 29,8 фоизи (83 001 нафари) стипендияли, 70,2 фоизи эса (195 884 нафар) стипендиясиз контракт тўловини амалга оширди.
Аввалроқ «бюджетчи талабалар»га ҳукумат томонидан қайтариладиган беш ойлик стипендия миқдори маълум бўлганди.
Изоҳ (0)