Жаҳон соғлиқни сақлаш ташкилоти (ЖССТ) бош директори Тедрос Адан Гебрейесус коронавирусга қарши курашда ниқоблардан оқилона фойдаланишга чақирди, деб хабар бермоқда «Коммерсантъ». Ташкилот ҳимоя воситаларига талаб 100 баравар, унинг нархи эса 20 баравар ошишини тахмин қилмоқда.
«Дунё шахсий ҳимоя воситалари бозорида жиддий муаммоларга дуч келди. Шахсий ҳимоя воситалари касалхоналар ташқарисида кенг ва ноўрин фойдаланилаётгани вазиятни янада мураккаблаштирмоқда. Яқин 4-6 ой учун захираларимиз тугади», — деган у журналистларга. Унинг айтишича, ниқобларни биринчи навбатда шифокорлар ва тиббиёт ходимларига, кейин эса беморлар ва уларни парваришлаётганларга бериш керак.
Хитой соғлиқни сақлаш миллий комиссиясининг сўнгги маълумотига кўра, мамлакатда коронавирусдан вафот этганлар сони 722 кишига етди. Ухань шаҳридаги крематорийлар коронавирус сабаб тўлиб кетган. Умумий ҳисобда касалланганлар сони 34 872 кишини ташкил қилмоқда.
Коронавирусдан даволанганларда уни қайта юқтириб олиш хавфи мавжуд. Шифокор Чжан Синюаннинг айтишича, тузалиб кетган беморларда қайтадан касалликка чалиниш хавфи бўлгани сабаб, улар барча ҳимоя чораларини кўриши шарт.
Изоҳ (0)