Футбол бўйича Испания Кубоги чорак финалида «Реал» 6 февраль, пайшанба куни «Реал Сосьедад»га қарши баҳс олиб борди.
Учрашувнинг 22-дақиқасида асли «Реал»га тегишли Мартин Эдегор мадридликлар дарвозасини ишғол қилди. Иккинчи бўлим дебютида Александер Исак икки дақиқа ичида дубль қайд этган ҳолда ҳисобни йирик кўринишга олиб келди.
59-дақиқада Марсело «Реал»нинг дастлабки голини урди. Орадан ўн дақиқа ўтиб Микель Мерино меҳмонларнинг тўртинчи голини киритди. Мадридлилар ўйин якунига қадар Родриго Гоэс (81) ва Начо (90+3) ҳаракаткари эвазига яна иккита гол уришга муваффақ бўлди, бироқ бу учрашувни қутқариб қолиш учун етмади.
Шу тариқа «Реал» Кубок доирасидаги юришини тўхтатди.
Испания Кубоги
Чорак финал баҳси
6 февраль, пайшанба
«Реал» — «Реал Сосьедад» 3:4
Голлар: 0:1 — 22 Эдегор, 0:2 — 54 Исак, 0:3 — 56 Исак, 1:3 — 59 Марсело, 1:4 — 69 Мерино, 2:4 — 81 Родриго, 3:4 — 90+3 Начо.«Реал Мадрид»: Ареоля, Начо, Милитао, Рамос, Марсело, Вальверде (Йович, 76), Кроос, Винисиус Жуниор, Хамес (Модрич, 46), Браим Диас (Родриго, 76), Бензема.
«Реал Сосьедад»: Ремиро, Горосабел, Монреаль, Элустондо, Ле Норман, Эдегор (Гевара, 64), Субелдия, Янузай (Барренечеа, 46), Мерино, Ойарсабаль, Исак (Мунёс, 70).
Огоҳлантиришлар: Эдегор (11), Ле Норман (19), Субелдия (66), Милитао (77), Горосабел (86), Винисиус Жуниор (90).
Четлатиш: Горосабел (90+5).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)