Россия коронавирус тарқалиши билан боғлиқ вазият сабабли Хитойнинг Хубэй провинциясидан ўз фуқароларини эвакуация қилиш чора-тадбирларини бошлаганини маълум қилди. Бу ҳақда мамлакат Ташқи ишлар вазирлигига таяниб, «Интерфакс» хабар берди.
Хубэй провинциясидан мустақил равишда чиқиб кетишнинг иложи йўқ, чунки ҳудудда карантин жорий этилган.
31 январь куни Россияда коронавирусга чалиниш бўйича дастлабки икки ҳолат қайд этилди. Мамлакат бош вазири ўринбосари Татяна Голикованинг маълум қилишича, коронавирус сабабли Россия—Мўғулистон чегарасини кесиб ўтиш чекланган ҳамда Ухань шаҳри ва Хубэй провинциясини тарк этишни истаган россияликларни эвакуация қилиш бошланади. Унинг сўзларига кўра, Уханда 300, Хубэйда 341 нафар Россия фуқароси бор.
Эвакуация қилинган фуқаролар Россияда аэропортга қўнишлари биланоқ қўшимча эпидемиологик назоратдан ўтказилади.
Мавзуга доир:
Изоҳ (0)