«Севилья» клуби «Милан»дан Сусони ўз сафига қўшиб олганини эълон қилди.
26 ёшли футболчи 1,5 йилни энди ижара асосида Андалусия клуби сафида ўтказади. «Севилья» 2021 йил ёзида Сусони тўла сотиб олиш мажбуриятини бўйнига олган.
«Ливерпуль», «Алмерия», «Женоа» клубларида ўйнашга улгурган Сусо «Севилья»да 14-рақам остида ҳаракат қилади.
Таъкидланишича, агарда «Севилья» Чемпионлар Лигасига йўлланмага эга чиқса, клуб уни 2020 йил ёзидаёқ сотиб олади. «Милан» ушбу трансфердан 25 миллион евро ишлаб олиши мумкин.
Сусо «Милан» сафида жами 153 та ўйин ўтказиб, 24 та гол урди, 31 та голли узатма берди. 18 та сариқ ва 3 та қизил карточка ишлаб олган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)