Бирлашган Араб Амирликларида илк марта коронавирус билан касалланиш ҳолати қайд этилди. Бу ҳақда мамлакат соғлиқни сақлаш вазирлиги маълумотига асосланиб, «РБК» хабар берди.
Қайд этилишича, касаллик Хитойнинг Ухань шаҳридан қайтган оилада аниқланган.
«Касалланганларнинг аҳволи барқарор, улар тиббий назорат остида», — дейилади хабарда.
Мамлакат шифокорлари Жаҳон соғлиқни сақлаш ташкилоти томонидан тасдиқланган барча зарур чора-тадбирлар кўрилганини айтган.
Бутун мамлакат бўйлаб эпидемиологик текширув марказлари касалликнинг янги ҳолатлари ҳақида ўз вақтида хабардор қилиш учун иш олиб бормоқда.
Аввалроқ Германия, АҚШ ва Японияда ҳам коронавирус билан касалланиш ҳолатлари аниқланган эди.
Изоҳ (0)