Хитойда коронавирус қурбонлари сони 41 кишига етди, деб хабар бермоқда «РБК» Reuters’га таяниб. Касалланганлар сони эса 1267 нафарга етди.
Аввалроқ 25 киши вафот этгани, вирусни юқтириб олганлар сони 830 кишига етгани маълум бўлганди.
Вирус Хитойнинг аксарият пронвинсияларига тарқалгани, Франция ва Австралияга етиб борган бўлса-да, ўлим ҳолатлари асосан касаллик декабрь ойида биринчи марта аниқланган Ухань шаҳрида қайд этилмоқда. Шаҳарнинг ўзи Хитой ҳукумати томонидан ёпилган. У ердан фақат махсус рухсатнома билангина чиқиб кетиш мумкин.
Касаллик Хитойнинг фақат икки ҳудудида: Тибет ва Шинжон-Уйғур автоном вилоятида қайд этилмаган.
Изоҳ (0)