Пневмонияга сабаб бўлаётган коронавирус туфайли Хитойнинг Хубэй вилоятидаги бешта шаҳарда McDonald’s ресторанлари вақтинча ёпилди. Бу ҳақда франшиза келишуви асосида ишлаётган Хитойдаги McDonald’s вакиллари маълум қилган, деб ёзмоқда «Коммерсантъ».
Карантин сабаб Уханда, шунингдек, Эчжоу, Хуанган, Цяньцзян ва Сяньтао шаҳарларида McDonald’s ресторанлари бутунлай ёпиб қўйилган.
Хитой компанияси эпидемиологик вазият туфайли тармоқнинг мамлакатдаги барча шохобчаларида янги қоидалар жорий қилинган: ҳар куни барча ходимларнинг ҳарорати ўлчанади, шамоллаш аломатлари бўлганлар ишга қўйилмайди, барча ишчи ходимлар, шу жумладан, овқат ташувчилар ҳам тиббиёт ниқобларини тақиб юриши шарт, бинолар ва улардаги ускуналар мунтазам дезинфекция қилинмоқда, ресторанларда антибактериал ювиш воситалари қўйилмоқда ва бу борада чоралар қўлланилмоқда. Компания вақтинчалик ёпилган ресторанларнинг ходимлари маош олишда давом этишини билдирган. Аммо уларга пул тўлаш қанча вақт давом этишига аниқлик киритилмаган.
Янги турдаги коронавирус туфайли ҳалок бўлганлар сони 25 нафарга етган. Касални юқтириб олганлар эса 830 нафарга етган. Хитойнинг Хунбэй вилоятида 13 та шаҳар, жумладан, вирус ўчоғига айланган Ухань ёпиб қўйилган. Ушбу чора-тадбирларда 30 миллион аҳолининг ҳолати назоратга олинган. Пекинда энг юқори даражадаги фавқулодда ҳолат эълон қилинган. Хитойдан ташқари АҚШ, Япония, Таиланд ва Жанубий Кореяда ҳам вирус аломатлари кузатилган беморлар бор.Мавзуга доир: Тожикистон ва Хитой ўртасидаги авиапарвозлар тўхтатилди
Изоҳ (0)