Олий Мажлис Қонунчилик палатасининг сайловдан кейинги биринчи мажлисида сўзга чиққан Ўзбекистон Президенти Шавкат Мирзиёев депутатларни инвесторлар манфаатларини ҳимоя қилувчи қонунлар ишлаб чиқишга чақирди. Бу ҳақда «Дарё» мухбири Миролим Исажонов хабар берди.
Бирорта инвестор келмайди Ўзбекистонга, агар унинг манфаатини ҳимоя қиладиган мустаҳкам қонун бўлмаса, бўлмайди бу ишларимиз. Бугун Президентга ишониб келяпти, бу нотўғри. Қонунга ишониб келиши керак. У Европаданми, Америкаданми, Осиёданми, компьютерини очиб, шундай қонун бор экан Ўзбекистонда, мен бораман, инвестиция киритаман, дейиши керак.Кеча телевизорда кўрган бўлсаларинг керак, инвестиция шунчага кўпайди, экспорт шунчага кўпайди, деяпти. Бу осон иш эмас. Ҳеч ким айтмаяпти, бу қаердан пайдо бўляпти, ҳали қонунлар йўқ-ку?! Тасаввур қилинглар, инвестор ишонадиган, унга замин бўладиган суд-ҳуқуқ органлари ҳақиқатан ҳам кафолат берадиган инвестицияга қонун чиқарсаларинг, сизлар чақириқ беришларинг керак дунё инвесторларига. Парламент ҳимоя қилади инвестицияларингни, деб. Мен розиман».
Шавкат Мирзиёев, Ўзбекистон Президенти
Изоҳ (0)