18 январь куни Энергетика вазирлиги раҳбарияти иштирокида ўтказилган очиқ мулоқотдан сўнг Энергетика вазири ўринбосари Шерзод Хўжаев «Дарё» мухбири Миролим Исажоновнинг «Ўзбекистонда электр энергияси тақчиллигига қачон барҳам берилади?», деган саволига жавоб берди.
«Биз диверсификация қилмасдан туриб, энергия ишлаб чиқариш тақчиллигига барҳам беролмаймиз. Сабаби нефть-газ соҳасига инвестициялар охирги 25 йилда деярли қилинмаган. Иссиқлик электр станцияларида қувват мавжуд. Электр энергиясини ишлаб чиқаришга бемалол имкониятимиз ҳам етарли, лекин ёқилғи тақчиллиги бор. Газ йўқлиги туфайли электр станциялари ишламаяпти. Бу кўпроқ электр энергетикага эмас, нефть-газ соҳасига боғлиқ. Демак, улар белгиланган миқдордаги табиий газни етказиб бериш бўйича режани бажаришса, электр энергиясини ишлаб чиқариш бўйича режа сўзсиз бажарилади.
13 минг мегаватт қувватимиз бор. Шу кеча-кундузда фойдаланаётганимиз 10 минг мегаватт ёқилғи бўлса, қолганидан ҳам фойдаланамиз», деди вазир ўринбосари.
Изоҳ (0)