Динозаврлар қирилиб кетишининг жумбоғи ўз ечимини топди
АҚШнинг Ел университети олимлари вулқонлар фаоллиги эмас, балки астероид тушиши динозаврларнинг қирилиб кетишида асосий омил бўлганини исботлади. Олимлар чуқур тадқиқотга асосланиб, улкан рептилияларнинг йўқ бўлиб кетиши жумбоғини топишга муваффақ бўлган. Бу ҳақда «Phys.org» хабар берган.
Палеоклиматологлар Ҳиндистонда 66 миллион йил илгари Деканск трапплари ҳудудида вулқонларнинг уйғониши биосферага таъсир қилганини аниқлаган.
Вулқон гази чиқишининг аниқ вақтини денгиздаги тошқотган қолдиқлар таҳлили натижасида ойдинлашди. Мутахассислар улкан ҳайвонлар қолдиқларидаги изотоплар таркибини, карбонат ангидрид газининг глобал концентрациясини ўрганиб карбонат ангидрид ишқорларини иқлим ўзгаришига таъсирини таҳлил қилган. Углероддан ажралиб чиққан моддалар Цельсий шкаласи бўйича икки даража глобал исишга олиб келган ва бу динозаврларнинг оммавий равишда қирилиб кетишига сабаб бўла олмайди.
Аввал, АҚШ Шимоли-ғарбий университети олимлари Декан траппларининг узоқ давом этган ҳаракати туфайли миллионлаб йиллар аввал Ер биосфераси кучли ўзгаришлар кузатилганини аниқлаганди. Тадқиқотчиларнинг фикрича ерга астероиднинг келиб урилиши глобал экотизимдаги барқарорликни бузиб юборган.
