Қашқадарёда Маҳалла жамоат фонди мансабдори ЙПХ ходимининг қонуний талабини бажаришдан бош тортиб, воқеа жойидан қочиб кетди. Бу ҳақда «Дарё»га вилоят Йўл ҳаракати хавфсизлиги бошқармаси ахборот хизмати хабар берди.
Маълум бўлишича, Касби тумани Маҳалла жамоат фонди раҳбари ўринбосари Й.Р. 7 январь, сешанба куни Damas автомобилини Қарши шаҳридаги чорраҳаларнинг бирида бошқариб келиб, тўхташни тақиқловчи йўл белгиси таъсирида тўхтатиб, йўловчи олади. Ҳудудда хизмат вазифасини бажараётган ЙПХ ходими эса мазкур қоидабузарлик учун ҳайдовчини тўхтатади. Мансабдор шахс эса ходимнинг қонуний талабини бажармайди. Ҳужжатларини тақдим этмасдан воқеа жойидан қочиб кетади.
Касби туман Маъмурий судининг 2020 йил 14 январдаги қарорига мувофиқ, ҳуқуқбузар мансабдорнинг айби исботланиб, жаримага тортилган.
Изоҳ (0)