Кузатув камералари 8 январь куни фалокатга учраган «Украина халқаро авиалиниялари»га тегишли Boeing 737-800 самолётига қарата иккита ракета қандай учирилганини қайд этгани маълум бўлди. Видеоёзув The New York Times’да эълон қилинган.
Нашрнинг таъкидлашича, мазкур ёзувлар 14 январь кечаси YouTube’да пайдо бўлган. Уни эронлик фойдаланувчи видеохостингга юклаган. Ушбу видео Бинкан қишлоғи яқинидаги бинога ўрнатилган кузатув камераси томонидан ёзиб олинган.
Видеодан маълум бўладики, самолётга қарата дастлаб битта ракета учирилган. Орадан 30 сониялар ўтгач, ҳаво кемаси томон иккинчи ракета учган. Ракеталарнинг ҳеч бири самолётни дарҳол уриб туширмаган. Иккинчи ракета урилгач, самолёт бир дақиқага яқин ҳавода турган ва шундан кейингина ёниб кетиб, пастга кескин қулаган.
Мавзуга доир:
- Украина Boeing ҳалокати қурбонлари оилаларига тўланадиган товон пули миқдорини эълон қилди
- Эрон президенти Украина халқига ҳамдардлик билдирди ва Boeing ҳалокати айбдорларини жазолашга ваъда берди
- «Ҳеч ким қутулиб қола олмайди». Украина президенти Эронда уриб туширилган самолёт бўйича мурожаат қилди
Изоҳ (0)