«Ўзбекистон Республикаси Соғлиқни сақлаш вазирлиги тузилмасидаги ташкилотларда аутсорсинг хизматлари кўрсатиш тартиби тўғрисидаги низомни тасдиқлаш ҳақида» Ҳукумат қарори (16-сон, 10.01.2020-й.) қабул қилинди. Бу ҳақда Адлия вазирлигининг «Ҳуқуқий ахборот» телеграм-канали хабар берди.
Қарорга мувофиқ, ССВ тузилмасидаги ташкилотларда қуйидаги хизматлар аутсорсингга ўтказилади:Нотиббий хизмат турлари:
- мижозларни овқат билан таъминлаш;
- кир ювиш хизмати;
- бино ва иншоотларни сақлаб туриш, шунингдек, уларни муҳандислик-техник тизимларига хизмат кўрсатиш ва таъмирлаш
- тиббий буюмларни зарарсизлантириш.
Қарор билан тасдиқланган низомга кўра, аутсорсинг хизматларига (мижозни овқат билан таъминлаш хизматидан ташқари) ҳақ тўлаш миқдорлари ССВ тузилмасидаги ташкилотлар томонидан тегишли хизмат таннархига аутсорсинг харажатларини қоплаш мақсадида 20 фоизгача устама ҳақни ҳисобга олган ҳолда белгиланади.
Изоҳ (0)