Қашқадарёда «Ҳоким ва ёшлар» хиёбони ташкил этилди. Хиёбондаги дастлабки кўчатни вилоят ҳокими Зоир Мирзаевнинг ўзи экди, – дея хабар беради «Дарё» мухбири.
Маълум бўлишича, бугун — 2020 йил 11 январь куни вилоят ҳокими ёшлар билан мулоқот ўтказган.
Зоир Мирзаевнинг ёшлар билан учрашуви олдидан вилоятдаги ишлаб чиқариш корхоналари, хорижий фирмалар, таълим муассасалари ва тиббиёт соҳасида олиб борилаётган ишлар ҳақида ёшларга маълумот берилган ва қилинаётган ишлар билан таништириш мақсадида экскурсиялар ташкил этилган.
Саёҳат давомида вилоят ҳокими ва ёшлар «Шўртангазкимё» мажмуаси ҳудудига янги кўчатлар ўтқазишди. Шундан сўнг Зоир Мирзаев ёшлар фикрини инобатга олиб, ушбу манзилгоҳга «Ҳоким ва ёшлар» хиёбони номини берди ҳамда манзарали, мевали дарахтлар экиш ҳақида келишиб олинди. Вилоят ҳокими энг дастлабки кўчатни ўзи экди.
Изоҳ (0)