«Барселона» ҳужумчиси Луис Суарес Испания Суперкубоги доирасида «Атлетико»га қарши баҳсда ўнг тиззасидан жароҳат олди.
«Sport.es» хабарига кўра, футболчи 11 январь, шанба куни чуқурлаштирилган тиббий кўрикдан ўтади. 32 ёшли футболчи бир неча ҳафтадан бери тиззасида ноқулайлик ҳис қилган ва оғриқ билан ўйнаб келган. Жарроҳ Рамон Кугат уругвайлик ҳужумчини текширади.
Нашрнинг таъкидлашича, Луис катта эҳтимол билан жарроҳлик амалиётини бошдан ўтказади.
«Барселона» ушбу жароҳат сабаб Суареснинг хизматларидан 6 ҳафтага фойдалана олмаслиги мумкин.
Қайд этиш жоиз, ҳужумчи ўтган мавсум сўнгида «Ливерпуль»га қарши баҳсда олган жароҳати сабаб тиззасидан операция қилинган эди.
Маълумот учун, уругвайлик жорий мавсум Ла Лига доирасида 17 та ўйин ўтказиб, 11 та гол урди ва 7 та голли узатмани амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)