Ўзбекистонда хорижий валютага бўлган талаб таклифдан 3,8 млрд долларга ошиб кетди

Ўзбекистонда 2019 йили хориж валютасига бўлган талаб 37,7 фоизга ошиб, 15,5 миллиард долларни ташкил этди, деб хабар беради Марказий банк.

Шу билан бирга таклиф 44 фоизга ошиб, 11,7 миллиард долларга етган. Талабнинг таклифга нисбатан ошиши 3,8 миллиард долларни ташкил этган.

36,6 триллион сўм ҳажмдаги монетар олтинни сотиб олиш ҳисобига юзага келган ортиқча ликвидлиликни стерилизация қилиш учун Марказий банк 33,6 триллион сўм валюта сотган.

«Регуляторнинг 2019 йилдаги валюта интервенсиялари бозор курсини шакллантиришнинг бир қисми сифатида амалга оширилди ва валюта курсининг асосий тенденциясига таъсир қилмади», — дейилади хабарда.

2018 йилда талаб 10,4 миллиард долларни ташкил этганди, бу 2017 йилги кўрсаткичларга нисбатан 1,5 баробар кўпроқ.