АҚШ давлат департаменти Эроннинг 2019 йилнинг сентябридан буён Америка қуролли кучлари позицияларига гўёки 14 марта ҳужум уюштиргани ҳақидаги статистикани тақдим этди, деб хабар берди «ТАСС».
«Ироқдаги объектларга ҳужумга қадар Эрон ва у қўллаб-қувватлайдиган кучлар томонидан АҚШ қуролли кучларига нисбатан 14 та ҳужум амалга оширилган», — дейилади давлат департаменти хабарида.
Эслатиб ўтамиз, 8 январь куни Эрон АҚШнинг Ироқдаги ҳарбий базаларига ракета зарбалари бергани маълум бўлди. Эрон ташқи ишлар вазири Жавод Зариф АҚШ ҳарбий базаларига уюштирилган ҳужумни «муносиб жавоб» ва «ўз-ўзини мудофаа қилиш» деб атади.
Эроннинг АҚШ ҳарбий базаларига берган зарбаларидан кейин олтин ва нефть нархи қимматлашди.
Бугун, 9 январь куни Бағдод шаҳридаги «яшил ҳудуд» яна ўққа тутилди. Маълумотларга кўра «яшил ҳудуд»га икки ёки учта ракета келиб тушган. Бу «Катюша» типига оид ракета эканлиги айтилмоқда.
Мавзуга доир:
- Эрон АҚШнинг Ироқдаги иккита ҳарбий базасига ракета зарбалари берди
- Эрон АҚШ ҳарбий базаларига уюштирилган ҳужумни «муносиб жавоб» ва «ўз-ўзини мудофаа қилиш» деб атади
- Ироқдаги АҚШ ҳарбий базаларининг Эрон ракеталари ҳужумидан кейинги ҳолати акс этган суратлар (фото)
- Бағдод шаҳридаги «яшил ҳудуд» яна ўққа тутилди
- Уруш бўлмайди. Трамп Эроннинг зарбаларига муносабат билдирди
Изоҳ (0)